Почетна

    Добредојдовте

    Во име на научниот и организацискиот одбор со големо задоволствo Ве покануваме да учествувате на 7. Конгрес по фармација во Северна Македонија со меѓународно учество што ќе се одржи од 13-17 мај 2020 година во Охрид. Домаќини на Конгресот се Македонското фармацевтско друштво и Фармацевтскиот факултет, Универзитет „Св. Кирил и Методиј“ во Скопје.

    Веруваме дека научната програма што ќе вклучи пленарни предавања, усни презентации и постер секции, каде ќе бидат презентирани новите, современи предизвици во сите области на фармацевтската наука и професионалната пракса, ќе резултира со збогатување на знаењето и размена на искуства меѓу научниците, истражувачите и практичарите. Присуството на Kонгресот ќе обезбеди одлична можност на младите научници и истражувачи, како и на реномираните истражувачи и практичари за размена на мислења, воведување на иновативни идеи и стекнување на нови практични знаења.

    Изложбата на фармацевтските компании и други компании што припаѓаат на ланецот за снабдување со лекови и медицински средства ќе биде интегрален дел на Конгресот.

    Атрактивната и богата социјална програма ќе создаде совршена атмосфера за поврзување со долгогодишните соработници, за градење на трајни пријателства и за незаборавни пријателски дружења.

    Ве очекуваме во мај 2020 година, во Охрид, убавиот македонскиот бисер, сместен на брегот на Охридското Езеро.

    Претседател на Научен одбор                                                   Претседател на Организациски одбор

    проф. Марија Главаш Додов                                                       проф. Руменка Петковска

    ПЛАТИНЕСТ СПОНЗОР

    ЗЛАТНИ СПОНЗОРИ

     

     

     

     

     

    БРОНЗЕНИ СПОНЗОРИ

    ПАРТНЕРИ НА КОНГРЕСОТ